Eitthvað grænt

Í umræðum um framtíðarsýn sveitarfélaga er alltaf talsverður hluti íbúa sem tala gegn grænum áherslum. Andstaðan er oft byggða á því að fólk tengir grænar áherslur við stöðnun (andstætt framþróun), útiokun (andstætt nýjum tækifærum) og þröngsýni (andstætt víðsýni).

Græn hagstjórn er ekki hamlandi hugmyndafræði, þvert á mótu opnar hún ný tækifæri, möguleika á auknum hagvexti og framleiðni. Auknar tekjur er ekki aðeins hægt að fá með því að virkja ný landsvæði og framleiða meira heldur líka með því að endurnýta og fullvinna.

Græn hagstjórn snýst um vönduð vinnubrögð, agaða áætlanagerð og gegnsæ vinnubrögð. Græn hagstjórn horfir til víðara samhengis þar sem félagsleg, vistfræðileg, hagræn og siðferðisleg stjónarmið takast á um aðferðafræði.

Eftir hrun fjármálakerfisins eru framleiðslugreinarnar aftur orðnar meginstoðir efnahagskerfisins og í litlum rekstrareiningum svo sem litlu sveitarfélagi er auðvelt ná góðri yfirsýn og koma á heilbrigðu og örvandi samspili milli markaðar og stefnumótunar. Á Suðurnesjum er mikið af grænni vatns- og jarðvarmaorku sem býður upp á mörg tækifæri til framleiðslu og atvinnusköpunar. Með þetta í huga hefur Sveitarfélagið Vogar óskað eftir því við stjórnvöld að sveitarfélagið verði tilraunasveitarfélag í græna hagkerfinu.

Græn hagstjórn er mikilvægt hagsmunamál, ekki aðeins fyrir íbúa í sveitarfélaginu Vogum heldur fyrir alla landsmenn. Græn hagstjón snýst ekki aðeins um sjálfbæra framleiðslu til atvinnusköpunar heldur einnig um nýjar leiðir, aga og fagmennsku í vinnubrögðum.