Lok stóriðjustefnunnar

Aldrei í lífinu hélt ég að örlög mín yrðu að fagna hugmyndum frá ungum Sjálfstæðismönnum. En í morgun varð ég að endurskoða þá hugmynd.

Formaður ungra Sjálfstæðismanna virðist vera einn af fáum hægrimönnum sem gera sér grein fyrir því að frekari uppbygging stóriðja (álvera)  á Íslandi er ekkert annað en snara um háls almennings og  keðja um fætur annarra atvinnutækifæra (eins og hann rökstyður svo vel í grein sinni).

Í grein sinni telur formaðurinn þó ranglega að stóriðju sé ríkisstyrktur áætlunarbúskapu í anda vinstri manna. Í starfi mínu með vinstirmönnum í meira en áratug hef ég aldrei heyrt áætlunarbúskap nefndan nema ef væri í leiðara Moggans endrum og sinnum.  Stjóriðjustefnan er ekki áætlunarbúskapur vinstri manna heldur hreinræktaður pilsfaldakapítalismi sem Sjálfstæðisflokkurinn og Framsóknarflokkurinn hefur rekið í áratugi.

Nú er komin tími til þess að flokkarnir geri sjálfum sér og þjóðinni það gagn að hverfa frá þeirri atvinnustefnu.

Í dag ætla ég að klappa fyrir því að sú tímabæra vegferð sé hafin.